ജീവിതങ്ങളുടെ ഉറവിടം~~~

മനസ്സു പറഞ്ഞു ഇതു ഗോപന് ഇഷ്ടമാവും...............

പത്രം വായനയില്‍ ആണ് മൂപ്പര്‍ ...... ഇതു ഇപ്പൊ കാണിക്കണോ?
വേണ്ടാ... ഇവിടെ അലസമായി ഇടാം.......... ഞാന്‍ കാണാതെ എടുത്തു വായിചോട്ടെ ....

പഠിക്കുന്ന കാലം മുതല്‍ ഉള്ള എന്‍റെ dairy കള്‍ സൂക്ഷിചിട്ടുണ്ട് ......... അതിലൊക്കെ ഗോപന്റെ ഓരോ കമന്റ് കള്‍ ഉണ്ട്

"എടി പൈങ്കിളി, പോട്ടിക്കാളി ഇതാണോ സാഹിത്യം ?!!"..... എന്നൊക്കെ..... !

എഴുതി നിറുത്തിയിരിക്കുന്ന വരികളുടെ സാഹചര്യത്തിനുഒത്തുള്ള അടിക്കുറിപ്പുകള്‍ വായിച്ചു മണിക്കൂറുകളോളം ഞാന്‍ ചിരിച്ചിട്ടുണ്ട്... ഗോപന്‍ എനിയ്ക്കയച്ച ഇപ്പോഴും മനസിലാക്കാന്‍ ആകാത്ത വരികള്‍ ഉള്ള കത്തുകള്‍ കൂടെ കൂടെ എടുത്തു വായിക്കാറുണ്ട്... വലിയ വലിയ കാര്യങ്ങളാ അതില്‍... എനിയ്ക്കുള്ള നിര്‍ദേശങ്ങള്‍.. ഉപദേശങ്ങള്‍...

"ആര്‍ യു എ ഫെമിനിസ്റ്റ്‌ ?'

പരിചയപ്പെട്ടയിടെ ഗോപന്‍ ചോദിച്ചു... ഭഗവാനെ .... കോളജിലെ ഫെമിനിസ്റ്റ്‌ ബുദ്ധിജീവി എന്നൊക്കെ പലരെ പറ്റിയും പറഞ്ഞു കേട്ടിട്ടുണ്ട് എന്നല്ലാതെ എനിയ്ക്കതിനെ പറ്റി അത്ര വിവരം ഒന്നും ഇല്ലായിരുന്നു .
എന്‍റെ സുഹൃത്ത്‌ ജെന്നി ഒരു ഫെമിനിസ്റ്റ്‌ ആയിരുന്നു.. മാലയും കമ്മലും... ഒന്നും ഇടാത്ത.. ആ കറുത്ത സുന്ദരിയുടെ കണ്ണുകള്‍ കാണാന്‍ നല്ല ഭംഗി ആയിരുന്നു....
അവളും ഗോപനും തമ്മിലുള്ള തര്‍ക്കത്തിന് പലപ്പോഴും ഞാന്‍ സാക്ഷി ആയിട്ടുണ്ട്‌... " വിര്‍ജീനിയ വുള്‍ഫ് " എന്നൊക്കെ യുള്ള പേരുകള്‍ ഉച്ചരിച്ചു കേള്‍ക്കാറുണ്ട്... അവര്‍ ബദ്ധ ശത്രുക്കള്‍ ആയിരുന്നോ... എന്ന് തോന്നിപ്പിക്കാറുള്ള ചര്‍ച്ചകള്‍ ...


"കപടമായ morality -യെ നിങ്ങള്‍ എന്തിനു ഭയക്കുന്നു സ്വാതന്ത്ര്യം വേണമെന്ന് മുറവിളി കൂട്ടുകയല്ല .... സ്വയം സ്വതന്ത്രര്‍ ആണ് എന്ന് പ്രഖ്യാപിക്കു.... സധൈര്യം ഞങ്ങള്‍ ആണുങ്ങളെ പോലെ .. രാത്രിയില്‍ പോലും ഇറങ്ങി നടക്കു.... "

ഗോപനെ ഞാന്‍ പ്രേമിക്കുന്നു എന്നറിഞ്ഞു അവള്‍ എന്നെ പുച്ഛിച്ചു ചിരിച്ചു.....

" നിന്‍റെ ജീവിതം അമ്മിയുന്തി, അമ്മിയുന്തി , അവസാനിക്കും ... "

അവളുടെ മലബാറി ഭാഷ എനിയ്ക്കു വലിയ ഇഷ്ടമായിരുന്നു....

"വേണ്ട ഡി.... ഞാന്‍ മിക്സി വാങ്ങിക്കോളാം.... "

"മിക്സി നിന്‍റെ അച്ഛന്‍ വന്നു കഴികി തരോ? നീ തന്നെ കഴുകണ്ടേ? " അവള്‍ വിട്ടുതരില്ല.

"ഇല്ലല്ലോ... ഞാന്‍ വേലക്കാരിയെ നിറുത്തും...... "

അങ്ങിനെ പോകുന്നു ഞങ്ങളുടെ സംസാരം...

അവള്‍ക്കെന്നോട് വലിയ വാല്‍സല്യം ആയിരുന്നു..

"എന്റെ മൃദു .... നീ ഇത്ര ലോലഹൃദയ ആയാലോ? ..... ഒളോട് ഒന്നും മിണ്ടിക്കുട... അപ്പൊ കരയും"

"പോസ്റ്റ് മോഡേണ്‍ ഫാസിസ്റ്റ്‌ " ചുരുക്കി... "പി . എഫ്. " എന്നായിരുന്നു ഗോപനെ ജെന്നി വിളിച്ചിരുന്നത്‌...

കോളേജ് മാഗസിനില്‍ ഗോപന്‍റെ ലേഖനം ....... വിഷയം "സിനിമയിലെ സ്ത്രീകള്‍ "

ജെന്നിയുടെ കമന്റ് : " നീ രക്ഷ പെട്ടെടി... മോളെ... എന്താ റൈറ്റ് അപ് ....... സ്ത്രീകളെ പറ്റിയുള്ള അയാളുടെ കാഴ്ചപ്പാട് എത്ര മനോഹരം , നിന്നെ അയാള്‍ പളുങ്ക് പോലെ കൊണ്ടു നടക്കും... ഹ ഹ ഹാ ......... "

ജെന്നിയോടൊപ്പം ഉള്ള കോളേജിലെ വൈകുന്നേരങ്ങള്‍ , ഗോപന് വേണ്ടി മാറ്റി വയ്ക്കപെട്ടു . രൂക്ഷമായ മദ്യ ഗന്ടത്തോടെയുള്ള ..വൈകുന്നേരങ്ങള്‍ , സുഹൃത്ത് സമ്മേളനങ്ങള്‍, വിവാഹം, ജീവിതം... എല്ലാം മറന്നു പകച്ചു നിന്നുപോയി , കുറെക്കാലം ...

കാലം........ അതു ഇത്ര വേഗത ഏറിയത്ആണ് എന്നുള്ള തിരിച്ചറിവ് , ഉറക്കത്തില്‍ നിന്നെന്നപോലെ ഉണര്‍ന്നപ്പോഴെയ്ക്കും , ലോകത്ത്‌ വന്ന മാറ്റങ്ങള്‍ ശ്രദ്ധയില്‍ പെട്ടു. ലോകം....... അതു ഒരു ഒത്തു തീര്‍പ്പില്‍ പോകുന്നു ആര്‍ക്കും ഒന്നും സംസാരിക്കാന്‍ ഇല്ലാ..... എല്ലാവരും ഓടുന്നു..... എന്തിന്റെയോക്കയോ പിന്നാലെ...

" ഹോ ഹോ..ഹോ.... .. വീണ്ടും കിറുക്ക് തുടങ്ങിയോ? "

ഗോപന്റെ ഉച്ചത്തില്‍ ഉള്ള.. സംസാരം കേട്ടു ഉമ്മറതെയ്ക്ക് ചെന്നു.. കയ്യില്‍ എന്റെ നോട്ട് ബുക്ക്....

"ഉം... മോശമില്ല... മുഴുവന്‍ആക്കിക്കോ.. നന്നാവും.. സ്വല്പം കൂടി ഭാഷ നന്നാവാന്‍ ഉണ്ട്.. ഭാഷ നന്നാവണം എങ്കിലേ.... വല്ലതും രണ്ടു അക്ഷരം വായിക്കണം.. അറ്റ്ലീസ്റ്റ് ന്യൂസ് പേപ്പര്‍ എങ്കിലും .... ഇവിടെ എത്രയോ ബുക്കുകള്‍ ഇരിപ്പുണ്ട്.. എതെന്കിലും ഒന്ന് നീ കൈ കൊണ്ട് തോട്ടു നോക്കിയിട്ടുണ്ടോ ?"

പ്രീതീക്ഷിച്ച പ്രതികരണം......... പതിവുള്ളവ, എങ്കിലും മറുപടി പറയാതിരിക്കാന്‍ തോന്നിയില്ല....... "അപ്പൊ വൈക്കം മുഹമ്മദ് ബഷീര്‍ ഉം സഞ്ജയനും ഒക്കെ ശുദ്ധവും സംസ്കരിച്ചതും ആയ ഭാഷയില്‍ ആണോ എഴുതിയിരുന്നത്....?? "

" എടി കഴുതേ അവര്‍ക്കൊക്കെ തീഷ്ണമായ ജീവിതാനുഭവങ്ങള്‍ ഉണ്ടായിരുന്നു..... ഒരുപാട് യാത്രകള്‍ ചെയ്തു, ഒരുപാട് അനുഭവങ്ങള്‍ കടന്നു വന്നവര്‍, രാഷ്ട്രീയ ബോധമുള്ളവര്‍ , സമൂഹത്തോട് ഉത്തരവാധിത്വമുള്ളവര്‍ ...."
മനസ്സിടിഞ്ഞു........... കണ്ണുനീര് പൊടിഞ്ഞു......

"ഉം ഉം.... നീ പോയി ഒരു ഗ്ലാസ് കട്ടന്‍ ചായ ഇട്ടുതാ.......വയറു നല്ല ശരിയല്ല "

സങ്കടം അടുക്കളയില്‍ എത്തിയപ്പോള്‍ അണപൊട്ടി .. സങ്കടം ആയിട്ടല്ല, ദേഷ്യം ആയി........ മുറു മുറുപ്പുകള്‍ അപ്പുറത്ത് കേട്ടുവോ എന്തോ?

"എടി നിനക്കൊക്കെ ഇതേ പറഞ്ഞിട്ടുള്ളൂ..... തനി ഭാര്യയുടെ പണി ...... അതെങ്കിലും മര്യാദയ്ക്ക് ചെയ്യ്..."

" ഉം പോട്ടെ ,പോട്ടെ.. "

എന്റെ ക്രുദ്ധ ഭാവം........ അതിന്റെ അടുത്ത ഘട്ടം സ്വയംപീഡ ആയിരിക്കും എന്ന് മൂപ്പര്‍ക്കറിയാം.....

" ഉം പോട്ടെ ,പോട്ടെ.. നീ ഇങ്ങു വാ..... നീ എന്റെ പോന്നുമോളല്ലേ ..... നിനക്ക് വേണ്ടിയല്ലേ ഞാന്‍ ഇങ്ങനെ കഷ്ടപെടുന്നത്......"

ചുംബനങ്ങള്‍ക്ക് തലേദിവസത്തെ മദ്യത്തിന്റെ വാട ആയിരുന്നു .... വര്‍ഷമിത്ര കഴിഞ്ഞിട്ടും ഒട്ടും ഇഷ്ടപെടാന്‍ആവാത്ത ആ ഗന്ധം..... വെറുപ്പോടെ തള്ളി മാറ്റി പുലമ്പി....

"ഞാന്‍ വെറും വേലക്കാരി.... " എന്‍റെ ഗദ്ഗധം...

"വേലക്കാരി ആണെങ്കിലും നീ എന്‍ മോഹവല്ലി.........."

ജഗതി ശ്രീകുമാര്‍ സ്റ്റയിലില്‍.. ഗോപന്റെ മറുപടി........ ഞാന്‍ പൊട്ടിച്ചിരിച്ചു പോയി....... എന്റെ മനസിന്റെ കനല്‍ കെട്ടു.....

* courtesy to T K Padmini ( painting )

~*~*~*~*~*~*~*~*~*~*~*~*~*~*~*~*~